لو سمحت يا باشمهندس
المحتويات
لو سمحت يا ... يا باشمهندس
نعم... انتي بتكلميني انا
امال بكلم مين هو انت شايف في حد غيرك
اوووف اللهم طولك يا روح عاوزه ايه
ممكن اطلب منك خدمه
اتفضلي
ممكن تشغلني عندك سكرتيره
نعم عندي انا
ايوه بص انا شاطره وذكيه وبستوعب بسرعه بس انت اديني فرصه بس ..
بصي انا فالانجليزي تلاقيني لبلب والفرنساوي مكسر حافظه الحروف يادوب بس انا ممكن اتعلم عادي ...
لبلب ومكسر يا بنتي اسمعي انا....
طب سيبك من ده واخد انت بالك ادب وشياكه و مبطلبش طلبات كتير...
نعم!!!
ايوه ولله بص جربني بس وانت مش هتخسر...
بص بقى انا ماسكه فيك بايدي واسناني انا مصدقت بصراحه ...
مصدقاتي ايه
الاقي صاحب شركه انا كل ما اقرا روايه الاقي البطله تشتغل عند البطل هوب يتجوزها وش حاولت كتير اشتغل في شركات بس بلاقيهم عواجيز ..
انا مش فاهم حاجه روحي يلا من هنا متعطلنيش...
انتي شاربه حاجه عالصبح امشي يا شاطره من هنا...
بقى كده انت مش هامك .... طب يالاهويييي الحقوني.....
كتم فمها
الله يخربيتك طلعتي مجنونه...
وسع ايدك ها وافقت
انك تتجوزني
انا عن نفسي معنديش مانع وجنانك ده عجبني طيب عاوز بس استفسر عن حاجه
ها قول كلى اذان صاغيه
طيب يأم اذان صاغيه عندك شقه
اه عايشين في شقه على قدنا مش بطاله بابا سبهالنا قبل ما ېموت...
طيب اهلك هيوافقوا اني اعيش معاكم
وتيجي تعيش معانا ليه امال فين القصور والفلل الي عندك
اوعي تكون متجوز !!
ياريت
الحمد لله نتجوز قريب بقى
يا سيتي اسمعيني انا اعد في شقه اوضه وصاله مع واحد صاحبي مش معقول هتيجي تعيشي معانا انا وصاحبي ..
طب محلوله ما تشتري فيلا ولا قصر
اشتريهم منين بس انا بأكل نفسي بالعافيه
انت بخيل ولا ايه
لا بقولك ايه انا لسه شيفاك نازل من عربيه اوبها وكنت داخل الشركه...
ما دي العربيه الي بشتغل عليها..
بتشتغل عليها ازاي هو انت مش صاحب الشركه دي
لا
متابعة القراءة
