رواية هلاك العشق هاجر وزياد بقلم آلاء محمد

 

من كلامها و اتضايق انها بتتعامل كده .. وان الموضوع مبقاش فارق معاها .. ازاي تخطت الموضوع بسهولة كده .. معقوله نسيت بالسرعه دي .. دي قاعده بتأكل و باصه ف الموبايل وبتضحك..
زياد بعصبيه انتي ازاي بارده كده .. هي دي تصرفات واحده اكتشفت ان جوزها متجوز قبلها و سابها يوم فرحها كمان ..
هاجر علشان ببساطه الموضوع فعلا ما بقاش فارق معي الحب مش بالعافيه يا زياد وانت اخترت.. ف انا كمان من حقي اختار ..

زياد تمام يا هاجر ..
قام وهو متعصب وهيتجنن من كلامها وتصرفاتها وهي ابتسمت ان خطتها بدات تنجح .. فات اليوم وكل واحد فضل ف اوضته ..
عند والد زياد .. كانت والدة هاجر قاعده معاه ف كافيه وبيتكلموا..
والدة هاجر يرضيك اللي ابنك عمله ف بنتي ده يا حسين .. أنا بنتي تكلمني يوم صباحيتها وهي مفلوقه من العياط بسبب اللي المحروس عمله ..
والد زياد والله يا امال عارف ان ابني غلطان و ظلم هاجر وانا زعلان عليها .. ما انتي عارفه اني بعتبر هاجر زي بنتي واكتر واوعدك هحل الموضوع .. أما كلموني اتعاملت عادي ومحسستوش اني عارف حاجة.. أما اشوف مين البت اللي متجوزها دي وعايزة منه اي ..
والدة هاجر أما نشوف.. دي يا حبيبتي قاعده لوحدها ف الاوضه ولا بتاكل ولا بتشرب .. والله لولا انه ابنك وعامله حساب ليك كنت قطعته بسناني ...
والد زياد طول عمرك اصيله يا امال والعيبه متطلعش منك ابدا ..
فضلوا ساكتين شوية لحد ما حسين اتكلم ..
حسين مش ناوية بقي تريحي قلبي وقلبك ونلم شملنا ..
امال بكسوف يااااه بعد العمر ده كله .. انت عارف رأيي ف الموضوع ده .. مقدرش اخون سعيد بالشكل ده ..
حسين بعصبيه سعيد ماټ من زمان .. افهمي بقي سعيد ماټ وانتي اصلا مكنتيش بتحبيه ولا مبسوطة معاه ده كان بيضربك كل يوم علقھ وانتي كنتي ساكته .. وأما حاولت اساعدك رفضتي .. انتي خاېفه من اي ..
أمال قامت انا لازم امشي ..
مشيت أمال وحسين اتنهد وقال ربنا يهديكي يارب ..
جه الصبح وهاجر صحيت علي الباب وهو بيخبط قامت تفتح اتفاجت بزياد ..
زياد انتي ازاي تفتحي بالشكل ده ..
هاجر بصت لنفسها واتكسفت مختش بالي كنت نايمه وصحيت علي صوت الباب .. ثواني هغير واجي ..
زياد قرب منها ومسك دراعها جامد المنظر ده مشفكيش فاتحه بيه تأني فاهمه ..
هاجر خاڤت منه بس مبينتش طيب سيبني بقي ..
زياد سابها و هاجر دخلت بسرعه غيرت وزياد دخل الاوضه وفضل قاعد مستني .. شوية وهاجر خرجت وقعدت علي الكرسي اللي قدامه..
هاجر ايوا كنت جاي ليه ..
زياد بابا كلمني وقال نرجع عشان فيه حاجات ف الشغل فيها مشاكل ..
هاجر خلاص ننزل .. هجهز الشنطة وانت جهز العربية..
زياد تمام ..
هاجر جهزت الشنط و نزلت وركبوا العربية وكانت طول الطريق ساكته وباصه للشباك ..
زياد اعملي حسابك هيبقي فيه نظام .. تلت ايام عندك وتلت وأيام عند شيماء عشان مبقاش ظلمتك برضه ..
هاجر ابتسمت لا عادي خلي كل الايام عندها وانا متنازله عن حقي مفيش مشكلة يعني ..
زياد انا عمري ما شوفت كده .. انتي ايه لوح تلج مش بتحسي ..
هاجر لا بحس .. بس منتظر مني اي مش فاهمه.. منتظر اني اعيط واقولك لا طبعا ازاي تعمل فيا كده .. انا مش فاهمه انت عايز اي .. عملت فيا كل ده ورغم كده قولت عادي و اللي حصل حصل وبحاول اتأقلم وانت كل اللي بتفكر فيه اني مش بحس ..
زياد انا مش قصدي بس يعني ..
هاجر قطعته خلاص يا زياد قفل علي الموضوع ده ..
زياد سكت ومتكلموش تاني لحد ما وصلوا و طلعوا علي بيت والد زياد الأول لان شقتهم ف نفس العمارة...
حسين حمد لله علي السلامه يا ولاد .. انبسطوا ..
زياد مسك ايد هاجر اوي يا حج والله .. ولولا الشغل كنا قعدنا شوية كمان..
حسين سامحيني يا بنتي بس الشغل فيه مشاكل كتير ولازم تتحل ..
هاجر متقولش كده يا عمي .. تتعوض بإذن الله ..
فضلوا قاعدين من والد زياد بيتكلموا