زواج باطل كاتبة إيمان شلبي

حطيت وشي بين ايدي وانا بعيط بحرقه وبقول كلام مش مفهوم وهو ساند رأسه علي الدريكسيون بيحاول يهدي

فات دقائق واحنا علي الوضع ده هو بيحاول يهدي نفسه قبل ما يتهور ويعمل تصرف يزعلني

وانا بعيط بصوت عالي

رفع رأسه وكمل سواقه مره تانيه بصمت تام وانا جسمي بيترعش مع كل ثانيه وكل خطوه بنقرب من البيت

مش هقدر اعمل كده ،مش هقدر اتجوز ده بالذات مش هقدر احب ده بالذات مينفعش حقيقي مينفعش

وصلنا قدام العماره لقيته نزل ورزع الباب بقوه علي آثارها اتنفضت ولف يفتح الباب بتاعي وهو بيشدني بكل قسوه

كان بيجرني وراه وانا بحاول افلت ايدي منه بس مفيش فايده كان أقوى مني بمراحل

وصلنا قدام باب البيت وهو خبط وثواني وبابا فتح الباب وبصلي بصه عمري ما هنساها ابدا

كانت كلها غض.ب وحزن وعتاب كانت مليانه بمشاعر كتيره اوي بس الظاهر أن " بدر" مقيد حركته أنه يقرب مني ويعاقبني علي عملتي

دخل وهو مازال بيجرني 

لقيت مأذون وشهود وبعض الناس اللي اعرفها اللي كانوا بيبصولي بنظرات مختلفه حزن شماته حيره عتاب

بعدني علي الكنبه وهو بيقول المأذون بجمود : - يالا يا شيخنا

بصلي الشيخ بشفقه من عيوني الحمراء وشكلي اللي كان يصعب علي الكافر وهو بيقول : - لا يجوز الجواز بالاكراه يابني ده...

بدر بحده وهو بيقاطعه: - اتفضل ابدأ ياشيخنا شويه مشاكل وهتنتهي متقلقش جوازنا مش هيكون باطل

هز المأذون رأسه بيأس وبدأ إجراءات الجواز وبعد شويه قال جملته

" بارك الله لكما وبارك عليكما وجمع بينكما في خير"

قال جملته من هنا وقام بدر وهو بيقول بجمود : - شكرا لوجودكم ياجماعه عن اذنكم

قال جملته وهو بيسحب ايدي وبنخرج من البيت من غير اي اعتراض من بابا أو ماما اللي كانوا بيبصولي بنظرات تقت.ل بالمعني الحرفي

نزلنا من البيت وانا بعيط وفتحلي باب العربيه وزقني للمره التانيه بقوه وقسوه وهو بيلف الناحيه التانيه وبيركب العربيه وبيسوقها

كنت بعيط وبترعش بقوه لدرجه حسيت قلبي هيقف من كتر الحزن