رواية حنين الليل جميع الفصول كاملة بقلم الكاتبة أميرة رمضان
بعد ساعه قاعده باكل مع ماما وحكتلها اللي حصل
_بس هو ده كل اللي حصل انا مش هروح عندهم تاني واحد معندوش ذوق
ماما: والله انا صعبان عليا العيال دي
_ الشهاده لله وانا كمان انا الاول مكنتش طيقاهم لاني كنت شايفاهم اشقيا اووي لكن لما عرفت حكايتهم صعبو عليا اووي وزعلت من نفسي اني سبت ايان ومشيت من غير مطمن عليه
ماما: منتي كده كده رايحه بكرا يبقا اطمني عليه
_ ارررروح فيييين بقولك اتخانقت انا وابوهم وبعدين من الاول انا قولت مش هروح تاااني
ماما: يابنتي روحي عشان عيد ميلادهم فرحيهم حړام دول أيتام وابوهم مش مهتم بيهم فرحي الواد تكسبي فيه ثواب
ماما: خلاص روحي اقعدي مع العيال ملكيش دعوه بيه ولو كلمك اعصري علي نفسك لمونه واستحملي قلت ذوقه
عشان العيال انتي بتحبي الاطفال اوي ي نونه بلاش تكسري خاطرهم انتي كمان واعتبريهم زي ولاد اختك
_ خلاص خلاص كفاااايه يخراااابي عليكي ي ماما تقنعي بلد بحالها
ماما: انتي بس عشان طيبه اقتنعتي انك مش هتكسري بخاطرهم
_ ياريت كل الناس في طيبتك ي ست الكل مكنتش الدنيا هتبقي كده
ماما: طب يلا بقا قومي شيلي الاكل واغسلي الموعين والسجاد
تاني يوم في الحضانه
سندس: نونه خلصتي الحصص بتاعتك
_ اه
سندس: طب هتستني نروح مع بعض ولا هتمشي
_مش عارفه والله اصلي عندي مشوار ضروري
سندس: اي ده داحنا بقينا مهمين بقا وعندنا مشاوير
_منتي عارفه اني بدي دروس خصوصيه بعد الحضانه
سندس: اها بس قولتيلي انك اتخانقتي مع ابو العيال ومش هتروحي
_ خلاص بقا انتو بتلزقو في الكلمه هروح بقا وامري لله
سندس: هي العيال من الحضانه عندنا
_ اقعدي ساكته ي اختي دول في حضانات انترناشيونال مش الحضانات الكحيانه بتاعتنا
للمتابعة اضغط متابعة القراءة:
