رواية القادرة بقلم ميرفت السيد
وودعتها سارة وفضلت لمياء تدعيلها: ربنا يكرمك ويرزقك بالخلف الصالح يارب
ولسة هاتركب مع نصر وسلّيم بصت لقت عمتها وميار بنتها قدام العمارة
ولما لمحوها قربوا منها وعلى وشهم ابتسامة صفرا فقالت لنفسها: ‘هو يوم باين من أوله
عمتها وهي تحاول احتضانها فابعدتها سارة عنها
فقالت ميار: انتي اكيد زعلانة اننا مجناش الفرح
وسارة بتبص لهم من فوق لتحت
عمتها: ازيك يامعلم انا عمتها ودي بنتي ميار
نصر: اهلاً وسهلا ماانا عارفك كويس
نظرت ميار لسليم باعجاب: وحضرته مين
نصر: اخويا يامدام
فقالت سارة: جايين ليه في حاجة
عمتها: جايين نبارك
ياللا يانصر وتركتهم غارقين بالذهول والاحراج
وانطلق سليم بالسيارة وهو يضحك
سليم’انتي عاملتيهم ليه كدة احرجتيهم
_ميستاهلوش غير كدة
: انتي عارفة ان عمتك دي كانت عاوزة تجوزني بنتها التانيه بعد. ماخطبتك
سارةبلا مبالاة طب كويس انك قولتلي دلوقتي
نصر: ليه
: عشان لو كنت عرفت من حبة كنت ساويتها بالاسفلت
سليم وهو يضحك: جدعة يامرات اخويا
نصر: ماتقولنا المفاجأة بقى
سليم: متبقاش مفاجأة
سليم: بعد اسبوع
وياللا بقى غمضوا عنيكم عشان قربنا
ياترى سليم هايفاجئهم بإيه 🤔🤔🤔🤔🤔🧐
يتبع…
ياللا فتحوا عنيكم
سارة: دة المطار
نصر: ماتفهمنا يابني
بقلم مرفت السيد
سليم: حجزتلكم اسبوع في منتجع بشرم الشيخ تقضوا شهر عسل بعيد عن وجع الدماغ ياللا اتفضلوا وناولهم جوازات سفرهم والتذاكر
سارة: انت عملت كل دة امتى
نصر: لما كنا بالمستشفى وانت طلبت بطايقنا انا وسارة صح
سليم: انا عرفت انك كان نفسك تسافر وبعد الي حصل لازم فترة نقاهة كدة وتغييروا جو وبعدين دة منتجع واحد صاحبي واقامتكم مدفوعة ياللا طيارتكم قدامها نص ساعة
نصر: حاول تستنى على سفرك شوية
سلين: هحاول بس مااوعدكش ياللا اجازة سعيدة ياحبيبي
احتضن الشقيقان بعضهما وغادر الزوجان
وصلا المنتجع المنشود وقضيا اسبوع بهدوء وكان نصر يتعامل مع سارة بحنية ورقة لاتتناسب مع طباعه لأنه كان يحبها جدا بچنون وكانت مسيطرة عليه تماماً لشعوره بالضعف تجاهها
انتهى الاسبوع فطلبت منه سارة يمد الإقامة شوية كمان فامتدت الاجازة 3 اسابيع😅
كان بيتصل باولاده واخواته يطمن عليهم وعلى الشغل وبيوم الرحيل قالها وهو يحتضنها:
سارة احنا هنرجع على شقتنا مؤقتا لحد ماتختاري شقة وننقل فيها
سارة: ماشي يانصر بس انا عاوزة افهم نظام الحج متولي إيه 😅😄
ضحك نصر: انا مش عارف بس الي تشوفيه
