قصة رائعة بقلم الكاتبة يارا رشدي

 

سواها .. لاول مره تشعر انه فتاه مثل الفتيات ويوجد احد يحبها ويريدها ..
وصلت اليها رساله منه مكتوب بها 
انا داخل علي الفيلا
نهضت من مكانها ونظرت والقت نظره اخيره علي هيئتها بالمرآه ..
تضع في عينيها قلم تحديد العيون بالاضافه الي مورد الخدود واحمر الشفاه ..
تناولت اكسسوارت الشعر ثم قامت برفع شعرها الي اعلي ..
عدلت بلوزتها الحمراء الي ترتديها وهتفت 
كده تمام جدااا
_______________________
وصل حسام وجلس برفقه فادي وناديه الي ان تصل نيره ...
وما هي الا دقائق حيث ظهرت نيره ...
نظر اليها حسام باعجاب وهو يبتسم ليقول فادي 

يلا يا ماما خلي الناس تقعد مع بعض لوحدهم علي رواقه كده قبل ما سليم يجي ويقلبها نكد بوشه ده
_ عيب تقول علي اخوك الكبير كده
قالها ناديه بتحذير ورحل كلاهما ليقول حسام 
هو انا كل يوم هصحي القي الجمال ده نايم جمبي علي المخده !
ابتسمت بتوتر وهي تقول 
اتكلم كويس لو سمحت
_ ما انا بتكلم كويس اهو قولت ايه غلط بس !
قالها وهو ينهض من مكانه ويجلس بجانبها لتقول نيره وهي تبتعد هاتفه بتحذير 
حسام
_ صوتك واطي مش سامعك وانا قاعد هناك 
قالها بجديه مزيفه لتقول هي 
لا يا شيخ
_ ما تيجي نكتب كتاب علي اخر الشهر ده ونخلص ايه لازمتها الخطوبه الطويله دي
_ اخر شهر ايه لا طبعا انا محتاجه وقت كبير مش بسهوله دي
_ لا بسهوله انتي الي مصعباها عليا وعلي نفسك مفيش حاجه في نيتي من الاوهام الي عندك مټخافيش
_ بس بردو يا حسام مش بسرعه كده يعني شويه
اقترب منها وهو يقول 
هيحصلي حاجه لو استنيت اكتر من اخر الشهر يرضيكي يحصلي حاجه 
_ طيب هفكر
لمس يديها قائلا 
عايز رد منك دلوقتي يا نيره موافقه كتب الكتاب والفرح اخر الشهر ولا !
_ موافقه بس لو ملحقتش اخلص حاجتي يبقي يتاجل
_ لالا هتلحقي متقلقيش من ناحيه دي
انهي جملته الاخيره وهو يطبع  ...
وفي نفس اللحظه ظهر سليم وهو يقول بانفعال 
ادي الي كنت خاېف منه انتي ايه يا شيخه
حركت نيره راسها بالنفي هاتفه بتوتر 
انا معملتش حاجه
_ كلامك معايا يا باشا ملكش دعوه بيها 
قالها حسام بحزم ثم تابع بهدوء 
هدي اعصابك انت بس كده وروق
ونيره تقوم بتبرير ما حدث هاتفه 
انا كنت بتكلم معاه وهو عمل كده وكنت هتخانق معاه بس انت ظهرت في نفس اللحظه
_ نيره انتي بتبرري لمين الشئ ده ملهوش حاجه عندك هو مش ولي امرك روح يا حبيبي قول لعمها وخليه هو الي يجي يحاسبني ويحاسبها واطلع انت منها
القي سليم نظره علي نيره وهو يقول بانفعال 
انتي ايه مش عايزه تنضفي ابدا هتفضلي واحده زباله كده لحد امته !
انهي سليم جملته تلك ليجد حسام يلكمه بقوه وحدث اشتباك بينهما والصوت ارتفع حيث وصل الي فادي وناديه
انهي فادي ذلك الاشتباك وهو يبعدهم عن بعض قائلا 
في ايه !!
_ دخلت لقيت البيه واخد الهانم 
قالها سليم بانفعال لتقول نيره باكيه 
حرام عليك تفتري عليا كده
_ ايوه سحي في الدموع واعملي الشويتين بتوعك المره الي جايه هاتوها من شقه الاستاذ ماهو احنا مش ورانا غير فضايح الست نيره
_ حسام ايه الي حصل !
قالها فادي ليقول هو 
بجد انا مش عارف في ايه قاعد مع خطيبتي بنتكلم لقيت اخوك داخل الثور الهايج كده وشغال يقول كلام مش كويس في حق نيره وامته هتنضفي وكلام سئ جداا ونزل فيا ضړب واول ما ظهرتوا طلع بكلام الغريب ده  ومش عارف ايه
اطلق سليم لفظ وظله يسبه ليقول فادي بعصبيه 
كفايه بقي يا سليم وسيب نيره في حالها وريح نفسك مهما عملت الخطوبه مش هتتفركش ولا حسام هيسيبها
خرج صوت ناديه وهي تقول 
ابوك لو عرف الي بتعمله ده مش هيسكتلك سيب بنت عمك في حالها وملكش دعوه بيها
_ انتو هتصدقوا كلام الواد ده
تجاهل حسام كلماته تلك ثم قال 
انا هكتب علي نيره النهارده واخر الشهر هيكون الفرح وصدقني لو عرفت بعدين يا سليم انك ضايقت مراتي مش هرحمك 
طيب يا ابني خليها بكره حتي علشان اهلك يكونوا معاك 
قالها شريف ليقول حسام وهو ينظر الي سليم 
ماشي بس سليم لو ضايق نيره مره تانيه انا مش هسكت
_ الي عندك اعمله 
قالها سليم بجديه ثم نظر الي والده وقال 
انا مش عارف انت ازاي مصدق واحد زي ده بقولك دخلت لقيتهم مع بعص في منظر زباله
_ محصلش يا عمو بيكدب عليك معملتش حاجه غلط تاني والله العظيم والله
قالتها وهي تكتم دموعها ليقول حسام بعصبيه 
انتي جبانه وخاېفه كده ليه !! سليم ملهوش حاجه عندك ااه يا باشا دخلت لقيتنا في منظر زباله وكل حاجه وانا بقي هصلح غلطتي وهكتب عليها عندك مشكله 
_ انت كده بثبت التهمه عليا 
قالتها باكيه ليقول شريف 
انا مصدقك يا نيره وانت يا حسام بلغ اهلك ان كتب كتاب بكره
ثم نظر الي سليم وهتف بتوعد 
حسابك معايا بعدين
_ سيبها تدور علي حل شعرها لحد ما تجيلك بعيل 
قالها سليم بزعيق ثم رحل ليقول حسام الي شريف 
انا عامل احترام لحضرتك بس
_ عارف يا حسام معلش مراته طالبه الطلاق واعصابه تعبانه
_______________________
_ عايز ايه من نيره يا سليم !
قالها فادي بتساؤل وهو يجلس بجانب اخيه الذي يخفي وجه بين يديه ...
_ مش عايز حاجه 
قالها وهو مازال علي وضع جلسته تلك ليقول فادي 
اوعي تكون اكتشفت فجاه انك بتحبها دي تبقي مصېبه يا سليم
اعتدل في جلسته وهو يقول 
احبها ايه انت اتهبلت !! ماهي كانت راميه نفسها عليا وانا شوطها دي كانت مراتي وطلقتها علشان اخلص منها
_ المشكله يا سليم انها كانت قدامك فاكر زمان لما قولت اني هخطب نيره شكلك كان عامل

ازاي واعترضت بحجه انها لسه صغيره وحازم بردو كنت معترض ويوم كتب الكتاب قولت انك هتجوزها وانت خاطب كان ممكن تقولي انا وكده كده انا اصلا كنت طالب اخطبها قبل ما نعرف حكايه حازم بس انت في لحظتها مفكرتش في اشرقت وانك خاطب وكتبت عليها ولما طلقتها وعرفت ان مازن اخو صحبتها بردو اعترضت وحجتك كانت انها ماشيه معاه مع ان فرضآ انها كانت ماشيه معاه الراجل جاي يتقدملها وعايزها ولما نيره خدت جنب من الدنيا كلها وكانت دايما في اوضتها انت كنت مرتاح جداا لانها قدامك حتي مكنتش بتفكر تحاول تتكلم معاها نص كلمه واول ما عرفت ان مازن عايزاها روحتلها علشان تعرف اذا كانت هتوافق ولا لا ... وحسام بردو لما اتقدملها حاولت تبوظ الجوازه ب اي شكل 
واهو مش قادر تسيطر علي نفسك وهي مع حسام 
عارف لو موضوعها مع حسام مكملش هترجع زي ما كنت عادي جداا ولو نيره عدت قدامك مش هتفكر تقولها ازيك حتي 
انت عايز نيره قدامك زي ماهي من صغرها قدامك عايزها متعلقه بيك وبتحبك ومش شايفه قدامها غير سليم وانت مش شايفها اصلا
نهض من مكانه وهو يقول بانفعال 
انتو كلكم بيت مجانين انا رايح احاول ارجع مراتي وبنتي
_ لازم بكره تيجي تحضر كتب كتاب بنت عمك 
قالها فادي ليقول سليم وهو يرحل 
يااخي يلعن ابو بردوك
حرك فادي