رواية سيد القمر الاسود بقلم زينب مصطفى

فاكره اني كده بنهي المشكله من غير ما أتسبب في مشاكل جديده ليك
مرر عمر يده في شعرها بحنان وهو يرفع وجهها اليه يتأمله بحب..
انا مش عاوزك تتأسفي يا حبيبتي انا بس عاوزك توعديني انك متخبيش اي حاجه عني مهما كانت صغيره..انتي قلبك طيب ونقي اوي ومش عاوز اي حد يستغل ده ضدك على الاقل عرفيني بأي مشكله تواجهك وسيبيني وانا هاتصرف ومټخافيش من المشاكل انا كفيل بحلها مهما ظهر قدامك انها صعبه او ملهاش حل
وهو يقول بتأكيد
أنا جوزك

وسندك وحمايتك يا حبيبتي مټخافيش من مشاكل او اي حد طول ما أنا عايش ..أوعديني متخبيش عني اي حاجه مهما كانت صعبه علشان قلبي يبقى متطمن عليكي
فإمتلئت عيونها بالدموع وهي تقول بإرتعاش وتضغط على شفتها بأسنانها بندم..
أوعدك يا حبيبي مش هخبي عنك اي حاجه بعد كده.. 
فمرر عمر اصابعه على وجهها ومسح دموعها بحنان ثم قال بهمس مرح
لو سمحتي متعمليش كده تاني الشفايف الحلوين دول ملكيه خاصه لعمر الرشيدي ومحدش يعمل كده فيهم غيره..
ثم مال برقه عليها و إستولىوتملك شديد فغرق معها وبها في موجه قويه من العواطف الملتهبه..
في مساء اليوم التالي..
جلست حبيبه برفقة عمر وأطفالها في غرفة المعيشه بعد ان انتهوا من تناول طعام العشاء ..
حبيبه بإبتسامه مرحه وهي تعطي الشاي لعمر..
صوفي دي لذيذه اوي ليها حق ماما دولت تحبها اوي كده..
عمر براحه ..
دي صاحبتها الانتيم وكانت جدتي بتسافر لها ديمآ اليونان علشان جوزها كان رافض انها تسافر لاي مكان ..لكن بعد ما اتطلقت منه اتصلت بجدتي وقررو انهم يعوضوا كل اللي فاتهم و يروحوا كل الاماكن الي كان نفسهم يزوروها مع بعض وابتدوا بمصر...
ثم تابع بمرح وهو ينظر لأطفاله..
اه وبما ان جدتي راحت تعمل سياحه مع صاحبتها فانا كمان قررت اننا نسافر اسبوع نتفسح في أجازة نص السنه الدراسه ما ترجع تاني..ها تحبوا تروحو فين..
اندفع اطفاله يتحدثون في أن واحد وبحماس شديد..
الا ان عمر قال بمرح ..
هييي..واحده..واحده يا وحوش مش كده خلينا نشوف ماما الاول عاوزه تروح فين..
حبيبه بحماس..
ديزني لاند ..نفسي أروحها أوي واتصور فيها وألعب الالعاب الي هناك دي كلها ..
الا ان صوت اطفالها ارتفع باعتراض 
فقال ياسين باعتراض..
ديزني ايه بس ياماما هنضيع الاجازه علشان تتصوري مع بطوط..
ليتابع زياد بإعتراض هو الاخر ..
فارس بسخريه لذيذه..
وإكتب زياد وبطوط حب للابد..
ثم ارتفعت ضحكاته وسط اعتراض وڠضب اخوته..
جرى ايه ياض إنت وهو طالما ماما قالت عاوزه تروح ديزني يبقى هنروح ديزني ومش عاوز اسمع اعتراض والا هاسيبكم هنا وهاخد ماما ونسافر نتفسح في ديزني وانتم خليكم هنا..
فصمتوا جميعا بتبرم خوفا من تنفيذه لتهديده ..
لترتفع ضحكات حبيبه وهي تقف وتجلس بجوار عمر الذي لف زراعه حول كتفيها بحب و قالت بحنان ..
خلاص يا حبيبي بلاش ديزني السنادي وشوفهم عاوزين يروحوا فين .. انا اهم حاجه عندي انهم 
يغيروا جو و يتبسطوا 
عمر بجديه ..
لا يا حبيبه طبعا مينفعش احنا هنروح ديز...
قاطعته حبيبه وهي ت وجنته بحنان
خلاص بقى يا عمر عشان خاطري انت فاكر ان انا هبقى مبسوطه وهما جايين معانا ڠصب عنهم او سبناهم هنا وسافرنا لوحدنا..خليهم يروحو المكان الي هما عاوزينه و أجازة الصيف طويله نبقى نروح فيها لديزني..
تنهد عمر وهو يقول باستسلام..
خلاص بما ان ماما اتنازلت ومش عاوزه تروح ديزني فإتفضلوا قولوا عاوزين تروحو فين..
صمت أولاده دون رد ثم قال ياسين فجأه وهو ينظر لوالدته بحب ..
لا يا بابا خلاص انا هروح ديزني ماما مبتخرجش الا معانا ومن حقها تختار تروح فين في أجازتها
واكمل زياد بمرح
وانا كمان عاوز ماما تبقى مبسوطة فهروح ديزني معاكم..
فارس بسرعه..
وانا كمان هروح ديزني انا بحب ديزني وبحب ماما ومش هسيبها لوحدها ابدا..
ثم إندفعوا يون والدتهم بمرح وياسين يقول بمرح..
فليحيا بطوط وميكي اهم حاجه ماما تبقى مبسوطة..
ابتسم عمر بحنان وهو يرى اطفاله يضحون بإجازتهم لارضاء إمهم وجعلها سعيده
بطوط وميكي مش هيطيرو ممكن يستنوا لاجازة الصيف شوفوا انتم بس عاوزين تروحوا فين وقولوا لبابا ..
عمر بمرح..
خلاص بطلوا تعزموا على بعض وتعملوا مضحيين انا هزود اسبوع كمان ..اسبوع نروح ديزني ونتفسح كلنا ونبسط ماما و الاسبوع التاني بتاعكم شوفوا عاوزين تروحوا فين..
صړخ الثلاثه بحماس وزياد يقول بسرعه
إسبانيا ..احنا التلاته عاوزين نروح إسبانيا..
اكمل ياسين بحماس..
نحضر الديربي بين برشلونه وريال مدريد وبعدها نحضر مصارعة التيران وبعدها في مهرجان بيبقى في الشوارع بيلبسوا فيه ماسكات ولبس تنكري وبيبقى في مسابقات واحتفالات جميله.. 
ابتسم عمر لحماسهم 
خلاص يبقى اتفقنا اسبوع هنروح باريس علشان نتفسح احنا وماما في ديزني وبعدها نسافر اسبانيا نحضر ماتش الديربي ونعمل كل الي انتم عاوزينه فحضروا نفسكم هنسافر على اخر الاسبوع.. 
بعد مرور شهرين..
عادت حبيبه من عملها بالشركه مبكرآ وتوجهت الى غرفتها مباشرة 
فعمر مازال في عمله وأولادها مازالوا في مدارسهم ومازال الوقت مبكرا على موعد عودتهم للمنزل..
فأسرعت بتغيير ملابسها إستعدادا لحفل عيد