رواية سيد القمر الاسود بقلم زينب مصطفى

كلهم خمس دقايق مش اكتر..
ثم مرر عينيه عليها باعجاب صارخ وهو يهمس بجانب إذنها..
الفستان ده يجنن عليكي.. بس من غيره تجنني اكتر..
احمر وجه حبيبه وهي تهمس بخجل 
عمر عيب كده ..والله اسيبك وامشي
جيلان پحقد..
ايه الفستان الجميل ده يا حبيبه بصراحه تفصيلته تجنن بس كان عاوز واحده ارفع شويه عشان ..يعني ..مبين ديفوهاتك..
احمر وجه حبيبه پغضب وحاولت انت تجيبها الا انها تفاجأت بعمر يرفع يدها ټنفجر من شدة الخجل
ديفوهات ايه بس الي بتتكلمي عنها ..هو انا هيجنني الا الديفوهات دي
نظرت حبيبه ارضا وهي تقول بخجل
هو..هو العشا إتأخر ليه ..
ابتسم عمر بتسليه وهو يدرك شدة خجلها..
الخدم جايين بالعشا حالا ..
اعتدلت حبيبه بارتباك وهي تشاهد نظرات جيلان الحاقده لها والخدم يقومون برص اطباق الطعام على الطاوله..
جيلان پغضب وهي تنظر للطعام 
اي الي انتوا حاطينه ده فين الاكل
الي انا طلبته..انتوا بتتصرفوا من دماغكم والا ايه اندهلي السفرجي خليه يبجي هنا فورا
ابتسم عمر بتسليه وهو يراقب حبيبه تقول برقه مستفزه
مفيش داعي يا جيلان ..انا الي غيرت المنيو بتاع العشا ..قلت نجدد شويه
جيلان بتهكم غاضب
وانتي بقى الاكل اللوكل الي انتي طلبتيه ده بتسميه تجديد ..
ابتسمت حبيبه وهي تضع الطعام لعمر في طبقه وتقول ببرود
احنا هنا بنحب الاكل اللوكل لما ترجعي بيتك ان شاء الله ابقي إعزمينا على الاكل الي مش لوكل اهو منك نتعلم..
جيلان پغضب ..
سامع يا عمر مراتك بتطردني..
عمر بهدوء 
جيلان خلاص بلاش دراما زايده.. اقعدي كملي اكلك ..حبيبه اكيد متقصدش كده وبعدين الاكل حلو 
فعلا جربيه واكيد هيعجبك ..
جيلان پغضب ..
لا انا معدتي مش واخده على الاكل ده انا طالعه انام احسن..
ثم تركتهم وغادرت غاضبه..
تابعت حبيبه انصرافها بتوتر وتوقفت عن تناول الطعام خوفا من رد فعل عمر 
الا انها انتبهت لعمر وهو يقول باهتمام
مبتاكليش ليه..
حبيبه بتوتر ..
مفيش بس انت ..اقصد يعني انت مش زعلان ان جيلان قامت من غير ماتاكل..
ابتسم عمر بعدم اهتمام
هي حره هو حد منعها تاكل ..
ثم اشار لاحد الاصناف بمرح
تعالي بقى ناكل انا وانتي من البتاع ده اصل انا عيني فيه من اول ما اتحط 
ثم ابتسم وهو يقرب الطعام من فمها ويقول برقه
افتحي الشفايف الحلوين دول وكلي من ايدي..
فتحت حبيبه فمها بطاعه وبدئت في تناول الطعام من يد عمر الذي حرص على اطعامها وهو يستمع الى اخر اخبار عملها وهو يبتسم بحنان و يستمع اليها وهي تحكي له بحماس شديد ..
في حين وقفت جيلان في شرفة المنزل تتابع مايحدث وهي تقول بغل شديد..
البت دي لازم تختفي خالص انا مش هستنى لما تحلى في عنيه من تاني
ثم تابعت بتفكير
بس المره دي لازم اعتمد على نفسي لا صادق ولا غيره ينفع اعتمد عليهم وانا عارفه انا هعمل ايه كويس ..
ثم اتصلت باحدى صديقاتها وقالت بود مصطنع
فيفي..روح قلبي وحشتيني مۏت
ثم تابعت بمرح زائف
وانتي كمان يا روحي وحشاني اكتر..بقولك مش عاوزه تكسبي شويةفلوس حلوين..
ابتسمت جيلان پحقد 
هبعتلك صوره واسم لبت لوكل وبيئه كده عاوزه اربيها واعملها ڤضيحه تلزق في اسمها لحد ماتموت..
ابتسمت جيلان پقسوه..
برافو عليكي زي الي عملناها لريم القاضي بالظبط..واصرفي ومټخافيش الجنيه الي هتصرفيه هدفعلك قدامه ميه..
ثم ابتسمت بسخريه سامه..
اهم حاجه تختاري لها واحد وسيم وشكل مناسب علشان الناس تصدق انها خانت جوزها معاه..
ثم ضحكت بصوت عالي ..
اقولك ابعتيلي الصور وانا اختار منها الشاب الي هيقوم بالمهمه..
ثم ابتسمت وهي تقول بثقه..
سلام يا فوفا..وهبعتلك كل بيانتها وصوره ليها وكمان مكان شغلها..علشان تقدري تبتدي علطول
ثم اغلقت الهاتف وبدئت في استقبال صور لشباب عراه غايه في الوسامه وهي تحاول اختيار احدهم وتبتسم في شماته
في الجانب الاخر..
دخلت حبييه بعد انتهاء عمر من الاستحمام الى الحمام الملحق بالغرفه وقامت بالاستحمام هي الاخره وارتداء قميص قطني مريح عليه رسومات لشخصيات كارتونيه محببه يصل لبعد ركبتيها واتجهت الى الاريكه لتعدها للنوم عليها
لتتفاجأ بعمر ينام فوق الاريكه وهو يضع يده فوق عينيه
حبييه برقه..
عمر انت مش نايم على سريرك ليه..
فتح عمر عينيه وابتسم بنعاس..
ايه ده هترضي عليا وتنيميني جنبك
تراجعت حبيبه للخلف بتوتر..
لا طبعا ..انا هنام لواحدي..
ابتسم عمر

وهو يقول بأسف بتأمل ماترتديه بتهكم
خساره..طيب روحي نامي احسن شكلك بقميص ميكي ده بيغريني ان 
انا انام جنبك و اخلصك منه نهائي..
نظرت حبيبه للقميص بدهشه وهي تدمدم بتبرم
ماله القميص ماهو حلو ومريح اهوه..
عمر بسخريه ..
مريح .. وكارتون وميكي وبطوط .. روحي نامي ياحبيبه واوعدك اقدملك في حضانه بكره بس يارب تك بإلي انتي لابساه ده
حبييه پغضب
في ايه ياعمر ماله القميص..والا لازم يكون عريان وقليل الادب
عمر بتهكم 
عريان وقليل الادب انتي بتتكلمي عن القميص والا حاجه تانيه.. اقولك القميص الي انتي لابساه يجنن ولا تزعلي..
ثم تابع وهو يضحك بمرح..
الي يشوفك بالفستان الاسود والشعر المفرود والمكياج ميشفكيش وانتي لابسالي ميكي ماوس وعملالي شعرك ضفاير
اتجهت حبيبه پغضب للفراش واستلقت عليه وهي تقول بضيق
والله انت بايخ وانا غلطانه اني اصلا بكلمك..
ثم مرت لحظات وهي تحاول النوم فلا تستطيع