ابن صاحب الشركة بقلم ايه محمد

حاجه كبيرة.
قاسم اي اللي حصل ي ياسر..
ياسر بدموع كنت بستخبي في البيوت و أنا بصورها وهي بتتمشي علي الطريق.. 
كانت بتقعد في وسط الزرع و تغني و تتصور..
قاسم ب ابتسامه بتحبها اوي كدا!
ياسر أوي.. زينة البنات زي م ابوها بيناديها.. كانت عايشه هنا في القاهرة و من كام سنه جت البلد و كنت في أجازتي لما شوفتها.. و من ساعتها و عيني مشافتش غيرها و تقريبا من وقتها بقيت انزل البلد عشان أشوفها.. كان قلبي بيرجف لما أتقدمتلها و يمكن لحد دلوقتي لسه بيدق بسرعه من ساعه م وافقت..
قاسم طب ي عم مهي وافقت اهي و هتتصوروا بدل الصورة ألف... مليون مبروك ي ياسر..

ياسر الله يبارك فيك.. الفكره ان الصور دي غالية اوي علي قلبي.. و بتفكرني بكل مره شوفتها فيهم.. أنا طبعتهم عشان احطهم في شقتنا و تبقي ذكري حلوة..
قاسم يعني معاك نسخه ع التليفون..
ياسر اه معايا...
قاسم يعني انت زعقت ل علا و طلعت عينا كلنا وأنت معاك نسخه تانيه... تصدق بالله انت محتاج تترفد..
ياسر انا كدا كدا كنت هقدم استقالتي..
قاسم ليه ي أبني حد داسلك علي طرف..
ياسر لا م أنا كنت متضايق من اللي حصل بس خلاص بقي..
قاسم طب بص هي رمتهم امتي!
ياسر النهارده لسه..
قاسم طيب هتلاقيهم في باسكت الژبالة الكبير اللي ورا المبني..
ياسر بجد.
قاسم ايوا غالبا.. تعالي نروح نجيبهم..
ياسر وقاسم راحوا ولقوا العامل بيجمع الاكياس اللي مرميه...
قاسم الاكياس دي لسه خارجه م الشركه النهاردة!!
العامل ايوا ي باشا..
قاسم طيب بعد اذنك في كيس كدا في ورق مهم و احنا بندور عليه..
العامل ماشي ي باشا هدورلك علي اللي أنت عاوزه...
قاسم و ياسر وقفوا بيدورا مع العامل لحد م العامل لقي كيس في اوراق كتير..
العامل هو دا ي باشا!
ياسر مسك الكيس و بدأ يبص فيه و طلع هو فعلا...
ياسر بسعادة الحمد لله ي رب.. الحمد لله..
قاسم شوفت بالهدوء المشكلة اتحلت..
ياسر أنا أسف والله علي اللي أنا عملته دا أنا شخص مش عصبي بطبعي بس الموضوع كان فوق تحملي...
قاسم متعتذرليش أنا أعتذر لعلا..
ياسر أكيد..
قاسم طيب يلا بقي نشوف شغلنا الشركه هتنهار بالشكل دا...
ياسر يلا...
قاسم و ياسر طلعوا الشركه والكل كان بيبصلهم و هما جايين ولا كأن حاجه حصلت....
ياسر علا.. أنا حابب أعتذرلك قدام الكل انا فقدت اعصابي بس و أنا أسف بجد...
علا ب ضيق حصل خير ي مستر...
قاسم وقف جمب فرح و همسلها...
قاسم أنا هقولهم أننا هنتخطب..
فرح دلوقتي..
قاسم اه دلوقتي.. ولا انتي ناوية ترجعي في كلامك..
فرح بخجل لا مش هرجع..
قاسم بهمس خلاص يبقي هقول..
فرح ماشي...
قاسم طيب ي جماعه.. انا عاوز أعلن يعني أن أنا و الأنسة فرح قراية فاتحتنا بكرا و هيبقي إحتفال عائلي بس في الفرح كلكم معزومين إن شاء الله...
قاسم و فرح وقفوا يردو التهنئة علي الكل و زمايلهم و موظفين الشركه...
هالة بالمناسبة دي بقي ي فرح تعزمينا علي الغدا..
قاسم لا بالمناسبه دي همنع الأكل خالص...
هالة اي ي مستر مش كدا طيب دا أنت حتي عريس روقها علينا...
قاسم اتغدوا سوا بس مش النهاردة.. و يلا علي شغلك يلااا..
هالة بضيق طيب...
قاسم دخل لمكتبه و مسك تليفونه يتصل بخالد...
قاسم فارس عنده معاد النهاردة مع الدكتور النفسي تروح و تيجي معاه..
خالد فارس مشي و قالي أنه هيروح لوحده و هقابله بعد م يخلص نتغدي برا...
قاسم امم.. طيب خلاص سيبه لوحده و لما تقابله ابقي كلمني..
خالد ماشي...
زياد طلع بالاسانسير لحد الدور اللي فيه مكتب قاسم...
زياد بعد اذنك قاسم المرشدي موجود!
هالة ب شرود و ان مكانش موجود نجيبه ي فندم..
زياد نعم!
هالة حضرتك قولت اي معلشي!
زياد قاسم! خلاص انا هروحله...
زياد مشي و هالة لسه بتبص في اثره و هي شارده رفعت الموبايل و اتصلت ب فرح..
هالة في قمر طويل و عريض كدا ي فرح اعرفيلنا هو مين بالله..
فرح قمر مين.. اه طب اقفلي...
زياد صباح الخير..
فرح صباح النور ي فندم..
زياد قاسم موجود في مكتبه..
فرح ايوا ي فندم.. اقوله مين..
زياد المقدم زياد..
فرح تمام لحظه واحده..
فرح دخلت للحظه عند قاسم و بعدين سمحت ل زياد يدخل.. قعدت علي مكتبها و أتصلت بهالة..
فرح بهمس ده مقدم ي بت.. و قاسم قالي انه صاحبه..
هالة طيب ي فرح معروفه اتنين اصحاب ياخدوا اتنين اصحاب...
فرح بضحك اتقلي..
هالة لا ي فرح لا.. هو دا العريس اللي استنيته... خلاص دا فتي احلامي...
فرح دا فتي احلامك رقم الف ي بنتي..
عند قاسم في المكتب..
قاسم اي ي زياد...
زياد قاسم أنا جايلك بخبر وحش..
قاسم غرام ماټت صح!
زياد لا مش عن غرام.. عن زينه..
قاسم زينه!!
زياد زينه مماتتش بسبب جرعه مخډرات زي م قالوا..
قاسم اي مماتتش اصلا!! معقول تكون عايشه..
زياد بص هي مكانتش مدمنه..
قاسم زينه فين ي زياد...
ويتبع.. 
بقلمي آية_محمد_عامر 
حكاية_فرح
إبن_صاحب_الشركه...
ي تري ي هل تري اي الحقيقه الجديده اللي هتتكشف ... 
اعتقد كلنا عندنا صاحبه زي هالة Part 13
قاسم زينه فين ي زياد...
زياد چثة متحلله و لقينا البطاقة دي معاها.. دي بطاقة زينة ي قاسم و كمان التليفون دا ودا تليفون غرام... بالنسبة لزينة أنت كنت عارف أنها ماټت ليه الأمل اللي شوفته في عنيك..
قاسم بدموع لأني مشفوتش جثتها... واحد من رجالة ابويا قالي أنها ماټت بجرعه زيادة...
زياد ب قلق مهو دا اللي أنا جايلك فيه.. الچثة دي مېته بسبب طلق ڼاري في عضلة القلب مباشرة..
قاسم وقف پصدمه و هو بيبص لزياد بعدم تصديق..
زياد أهدا ي قاسم.. اهدي.. احنا لسه مش عارفين اي حاجه... بس الأكيد أن الچثة دي بتاعت واحده من الأتنين و احنا محتاجين نعمل Dna عشان نعرفها.. و مفيش قدامنا غير والد فرح.. لو طلعت إيجابية يبقي غرام.. سلبية تبقي زينة..
قاسم ب تعب أنت عاوز تقولي ان زينة اټقتلت..
زياد وهو انت بفكرك أنها لو كانت مدمنه زي م احنا مفكرين يبقي متقتلتش.. هو مش أبوك هو السبب! أنت اللي ضعيف و مسلمتوش..
قاسم بحزن عاوزني اسلم أبويا..
زياد بس هو بقي مش ابويا.. وخليك عارف ان القضية دي أنا اللي ماسكها و أني ورا ابوك لحد م أثبت أنه القاټل..
قاسم لحظة واحدة.. فرح قالتلي ان غرام كلمتها من وقت اللي حصل دا يعني كلمتها اهوو.. و مكانتش مكلماها من تليفونها..
زياد عاوز تقول أنها أكيد چثة زينة..
قاسم ممكن وممكن كمان أنها تكون ماټت بعد المكالمه دي..
زياد ي رب ع التعقيد... عمتا القضية اتفتحت و علفكرا هيحصل استدعاء لوالد غرام و لفرح عشان استجواب عادي و طبيعي و متقلقش أنا اللي هستجوبهم.. 
لو حابب أقولها دلوقتي..
قاسم بحزن قولها..
زياد قاسم انا عارف ان اللي بيحصل دا صعب اوي عليك.. من جهات كتير اوي.. ابوك و فارس و فرح و كمان زينة و كل واحد فيهم من جهه شكل و مش هتقدر ترضي جميع الأطراف..
قاسم انا عاوز اعمل حاجة صح.. انا كل اللي اعرفه ان ابويا كان عاوز يخلي زينة تكون شخص مش كويس قدامي و عشان كدا اداها المخډرات..بس أبويا مش هيقتل