ابن صاحب الشركة بقلم ايه محمد

البت تيجي هي و عيالها تقلبي علينا كدا! يعني هي جاية ترتاح شوية من طلبات حماتها و أنتي هتشغليها عندك!! 
فرح بتعب خلاص ي عمتي محصلش حاجه.. بابا أخد علاجه... 
عايده اه.. غيرتله هدومه و مسحتله إيديه ورجليه بمايه و عملت التدريبات اللي الدكتور قال عليها و عشيته و خد العلاج و نام...
فرح قربت منها و باست راسها و بعدين قعدوا الإتنين جمب بعض...
فرح ربنا يخليكي ليا ي عمتي... 
عايده و الكفته بالصلصه اللي أنتي عملاها الصبح طعمها وحش اوي... 
فرح طب كملي اللحظة.. طب استني شوية و بعدين قولي الكومنت السلبي.. مش كدا طيب.. 

عايده بضحك بس ي بت.. يعني أكدب عليكي أنا بقولك و بحذرك.. جوزك هيرجعك في أول يوم هيقولك مع السلامة مش ناقصة قرف... 
فرح قرف!!! 
عايده والراجل الغلبان أبوكي صاحب مرض كفاية عليه العلاج مش هيبقي العلاج و طبيخك..
فرح بردو مش هسيبك تطبخي.. كفاية عليكي أنك شايله بابا بقالك تلات سنين... 
عايدة وهو بابا دا مش أخويا ي بت أنتي!! 
فرح طيب.. أنا كان في حاجه عاوزة أقولهالك! 
عايدة لا أنا مكلتش هقوم أجيب الطبيخ الحمضان بتاعك علي م تغيري عشان نتعشي سوا و تقولي وراكي اي!! 
فرح ماشي...
فرح دخلت أوضتها تغير هدومها..عمتها بتحبها بس اللي فرح ايقنته أنها أكيد مش هتحبها أكتر من بنتها.. بعدين خرجت لأوضة والدها.. كان نايم ف مرديتش تصحيه.. باست راسه و خرجت من الأوضة و بعدين رجعت تاني للصالة قعدت علي سفرة الأكل مع عمتها...
عايدة يلا سمعيني.. في عريس ولا اي!! 
فرح بحزن لا ي عمتو في شغل... 
عايدة ي ساتر.. ي بنتي م تقابلي الشاب اللي قولتلك عليه و تريحي قلبي... طب قابليه و ارفضي أعملي اي منظر ي بنتي.. 
فرح عارف الحكاية ولا هيجي يتفاجئ بيها هنا!! 
عايدة ................ 
فرح سكتي ليه!! بصي ي عمتي ي حبيبتي موضوع الجواز ده أتقفل من تلات سنين.. مش هي.. مش هي اختارت تدمرلي حياتي خلاص علي الأقل يبقي غلطها جه بفايده و تكون مبسوطة في حياتها مع اللي هي اختارته... 
عايدة طب أهدي.. أنا مش عاوزاكي تفتكريها ولا تجيبي سيرتها عشان أبوكي ميسمعكيش و يتعب اكتر... قوليلي شغل اي اللي عاوزاني فيه... 
فرح المدير عنده مؤتمر في شرم الشيخ و لازم أسافر معاه.. 
عايده طب و اي المشكله! 
فرح هقعد إسبوع.. 
عايده نعم!! أنتي أتجننتي ي فرح عاوزة تقعدي أسبوع برا البيت هو أنتي ي بنتي ناقصه سمعه مش كويسه!! 
فرح طب أعمل اي مهو شغل قوليلي أتصرف ازاي 
عايده امم.. طب بصي أنا هاخد ابوكي لبيتي كده كده مقفول من تلات سنين اهو يتهوي شوية و هقول أنك عندك شغل و هنا تقولي انك هتنقلي اسبوع عند عمتك عشان ابوكي نفسيته تتحسن... 
فرح بالله ي عايده دماغك دي خسارة في البلد دي والله.. تسلمي.. و ليكي عليا اجيبلك واحدة تمسكلك البيت تخليه بيلمع... 
عايده أشطا...
................................
فرح صباح الخير ي هالة مستر قاسم جه ولا لسه!
هالة صباح النور ي فرح.. لسه مجاش و بقولك اي انا بعت أجيب فطار هتصل عليكي لما يوصل...
فرح طلبتيلي بطاطس ولا طعميه
هالة واحد و واحد...
داليا جت من علي مكتبها لقتهم بيتكلموا في أنضمت ليهم و وقفوا يهزروا سوا و ملاحظوش قاسم اللي وصل..
قاسم والله.. طب م نقلبه كافيه بقي هيكسب كويس!!
داليا احم.. أحنا بنعتذر ي مستر يلا ي فرح...
قاسم بص لفرح پغضب مستنيها تعتذر بس هي بصتله بغرور و دخلت لمكتبها مرة تانية.. الموقف اللي خلاه متعصب منها.... 
دخل وراها و أتكلم پغضب....
قاسم حضرتي للإجتماع ولا لا
فرح أنا بلغت مستر ياسر الصبح و الإجتماع المفروض يبتدي بس حضرتك جاي متأخر...هروح أبلغ مستر ياسر أن حضرتك و صلت...
فرح سابته ومشيت وهي مټعصبه بسبب نبره كلامه معاها.. وصلت لمكتب ياسر و فتحت الباب.. بس أتراجعت و هي فاتحه بوقها پصدمه...
فرح پصدمة مش مصدقه!
يتبع.. 
بقلمي آية محمد عامر..
توقعاتكمفرح پصدمة مش مصدقه! ده فول بالزيت الحار دا!!
علا في اي ي فرح خضتيني!!
فرح مستر ياسر فين!
علا راح يشرب شاي في الكافتيريا..
فرح يخربيتك هو ضړب معاكي فول و طعميه!!
علا ده هو اللي قايلي هاتي أصلا وبعدين فطرنا سوا.. بس أنا يعني عملت نفسي أكلتي ضعيفه لحد م أقنعته يروح يشرب شاي في الكافتيريا...
فرح طب هاتي ساندوتش هاتي.. منه لله المدير بتاعي شكله بيفطر مايه ساقعه علي كميه البرود اللي عنده دي...
علا خدي.. كنتي جاية ليه!!
فرح يختاااي الأكل نساني... هروح أقول لمستر ياسر علي الإجتماع.. أنتي هتبقي موجودة!
علا لا مش عارفه..
فرح طيب أنا هروحله.. أبقي قولي لهالة ميكلوش الفطار بتاعي..
علا حاضر..
فرح خرجت من المكتب و وصلت لحد الكافتيريا و لقت ياسر.. شاب في أواخر العشرينات.. محترم و هادي و لطيف...
فرح بإبتسامه صباح الخير ي مستر..
ياسر بإبتسامه صباح الخير ي فرح..
فرح كنت جاية أبلغك أن عندنا إجتماع دلوقتي مع مستر قاسم بس أرجوك متقولش اني لسه قيلالك دلوقتي عشان بصراحه كان المفروض أقولك من إمبارح..
ياسر هنتكلم عن الوضع المالي للشركة...
فرح أيوا..
ياسر تمام ي فرح انا هروح أجيب بعض الأوراق من مكتبي و أقابلك في أوضه الإجتماعات بعد خمس دقايق...
فرح أفتكرت علا اللي في مكتبه ف خاڤت تحرجها قدامه...
فرح طيب اي رأيك حضرتك تروح علي اوضة الإجتماعات و أنا هروح أجيبلك الورق اللي أنت محتاجه.. عشان بس مستر قاسم متعصب اوي...
ياسر ماشي.. الورق علي مكتبي كنت شغال فيه...
فرح تمام ي مستر..
فرح رجعت تاني لمكتب ياسر و أخدت الأوراق بعد م ضحكت شوية مع صاحبتها قبل م تروح تاخد جرعة النكد من قاسم... 
دخلت أوضة الإجتماعات و حطت الورق قدام ياسر و بعدين قعدت قصاده...
قاسم طيب مبدئيا كدا أحنا محتاجين قرض... و طبعا لأننا بلاك ليست في البنوك ف أنا هاخد القرض دا من company.. و دي شركة للملابس و مهتمه أكتر بالملابس الرياضيه...
فرح اه دي شركة معروفة أووي.. بس حضرتك تعرف صاحب الشركة وليك تعامل معاه!!
قاسم أنا صاحب الشركة ي فرح.. الحقيقه أنا مش مجرد إبن_صاحب_الشركة دي!! أنا لما قررت مشتغلش مع والدي عملت شغل خاص بيا وهي الشركة اللي هناخد منها القرض...
فرح ب حرج طيب و القرض اللي الشركة هتقدر تديهولنا قد اي!!
قاسم 20 مليون جنية.. ده اللي هتسمح بيه ميزانية الشركة...
فرح بس كدا هيتبقي حوالي 30 مليون جنيه!
قاسم عاوزك ي فرح تحدديلي مواعيد مع مديرين البنوك اللي بنتعامل معاهم و هنروح نتفاوض معاهم يمدوا وقت السداد... 
و أنت ي ياسر عاوزك تعملي تقرير بالوضع الفعلي بالأرقام المظبوطه مش التقريبيه... 
عاوز أعرف بردو مبلغ ال مليون اللي هندفعه في شغل جديد هيعود علينا بمسكب قد اي وفي وقت قد اي!! 
عاوز جرد ب أسماء العمال و الموظفين و ملفاتهم.. للأسف هنضطر نعمل تصفيه عشان المرتبات...
فرح بقلق م بلاش موضوع التصفيات دا ي مستر قاسم..