رواية جديدة شيقة جدا بقلم ولاء يحيي

عندها ظروف
فاطمة باستغراب ظروف ايه دي وسكتت لما فهمت قصدها ... وراحت ضاحكة اوي وهم ضحكوا على ضحكها
فاطمة بضحك مش تقولوا كده... يخيبكم عيال.... معلش بقى اصلي نسيت الحاجات دي 
حكمت بضحك يااااسلام.... بقي كل اللي عملتيه دا وفي الاخر تقولي معلش... دا انتي دخلتينا الڼار.. لااااا احنا زعلانين.... انتي لازم تصلحينا... وتعملي لينا حاجه حلوه... صح يا بنات 
البنات صح يا ابله 
فاطمة بغيظ تقلدهم صح يا ابله... امشي يا بنت انتي وهي وهي من هنا.... انا مش هعملكم حاجه... وبعدين انا قولت ايه غلط.... ماهو انتي اللي مسؤوله عنهم قدام ربنا... وانا خۏفت تكوني قصرتي معاهم . دول بقوا بناتك واحفادي ... خۏفت عليكي وعليهم ... وبعدين انا اللي زعلانه منكم... علشان قعدتوا تفتكروا اللي فات وتعيطوا.. وانا لما بتعيطوا قلبي بيوجعني... وعينها تدمع وجعتي قلبي.. وافتكرت ابوكي وامك... وانتي لما كنتي هتروحي ما بين أيدي... حسبي الله ونعم الوكيل

حكمت قامت بسرعه حضنت جدتها.. وندا واميره.. نزلوا قعدوا على الأرض قدامها اميره 
حكمت حقك عليا يا تيتا...متزعليش مني بس أوعدك والله مش هكلم في الماضي تاني هنساه... وهبدا حياتي معاكي انتي والبنات 
فاطمة تبص ليهم يعني آخر مره... توعدوني كلكم... محدش فيكم هيفتكر الماضي بتاعوا..ولا يكلم فيه... وتنسوا وتبدوا حياتكم من جديد
كلهم نوعدك يا تيتا
فاطمة بابتسامة خلاص مسمحاكم... وهقوم اعملكم حاجه حلوه 
اميره بحب ربنا يخليكي لينا يا تيتا
حكمت بابتسامة تقومي فين لاااا انا اللي زعلتك وانا هصلحك... وهعزمكم كلكم على الغدا بره.... ونشتري هدوم جديده للبنات علشان نستعد للكلية 
ندا لا يا ابله مش مهم احنا عندنا... كفاية اللي حضرتك عملتيه عشانا... احنا اصلا مش عارفين نشكرك ازاي 
حكمت بزعل تاني يا ندا الكلام دا... بجد لو قولتي كده تاني هزعل منك... انتم بناتي فاهمه يعني ايه بناتي... يعني مسؤولين مني... في بنت بتشكر مامتها... آخر مره يا ندا مفهوم 
ندا بابتسامة حاضر يا ابله 
فاطمة بابتسامة ربنا يخليكم لبعض... وتسكت وتبص لحكمت بغيظ اية بناتك دي... قولت اخواتك
حكمت بضحك لاااا... البيت النهارده فيه حاجه مش طبيعيه... الكل نفسيته تعبانه وطالبه معاكي خناق....احنا نقوم نلبس ونخرج بسرعه...ايه رأيكم ندخل سينما احنا ممكن نلحق عرض الساعة 3 
ندا وأميره بفرحه بجد يا ابله... هنروح السينما 
حكمت بابتسامة ايوه يلا روحوا اجهزو 
جريت اميره وندا بفرحه... وفاطمة وحكمت فرحانين لفرحتهم 
فاطمه بابتسامة ربنا يسعدك... ويحققلك اللي بتتمنيه يا حكمت زي ما بتسعديهم 
حكمت بحب ويخليكي لينا يا تيتا
وبعد ساعه حكمت وفاطمة والبنات كانوا لابسين ونزلين سوا.... والستات من الجيران كانوا قاعدين على السلام بيتكلموا...
ام فاروق ياختي وانتي هتقدري على خدمتهم ...دا ولاد ابنك شياطين... دا انا بشوفهم من الشباك... بصوت وأفضل اقول مستحملهم ازاي... الله يكون في عونك ياختي 
ام عادل بحزن اعمل ايه يام فارق... هرميهم في الشارع يعني .... منه الله امهم... جيت رميتهم لابوهاومشيت
ام نبيل ياختي انا مش

عارفه ام ايه دي... بقي في واحده ترمي عيالها كده وتمشي .... جلها قلب ازاي.. دي الوحده مننا مبتعرفش تنام غير وعيالها في حضنها 
ام عادل اقول ايه حسبى الله ونعم الوكيل... تعبت ياختي والله مبقاش فيا صحه ليهم 
ام فاروق طب متجوزي ابنك ياختي... اهو تجيبي واحدة تشيل عنك العيال 
ام عادل اجوزه منين ياختي هو عادل حلتو حاجه... ال عيال قاطمين ظهره من المصريف ... وعادل يوم شغال ولا 
تنزل فاطمة وحكمت والبنات 
فاطمة سلام عليكم
الستات وعليكم السلام ورحمة الله وبركاته...
ام عادل ازيك يا ست فاطمة... عامله ايه يا ابله حكمت 
حكمت بابتسامة الحمدالله يا خالتي... 
ام نبيل برخامه مش تعرفونا على الحلوين... 
فاطمة تبص للبنات وتبتسم دي ندا... ودي أميرة...وتبص لها اوي احفادي يا ام نبيل... زيهم زي حكمت بظبط 
ام فارق يا اهلا وسهلا... نورت يا حبايبي... وانتم في سنه كام...ولا مش في مدرسه 
اميره بابتسامة لا يا طنط بندرس... احنا أخذنا الثانوية العامة السنه دي ... ومستنين النتيجه 
ام نبيل زي رحاب بنتي... هي كمان في ثانوية ومستنيه النتيجة ... ربنا ينجحكم يارب 
فاطمة تنزل يارب يام نبيل ويطمنك على رحاب .. عن اذنكم... يلا يا بنات علشان منتاخرش... سلام عليكم 
الكل وعليكم السلام 
وأول ما خرجو ا من الباب البيت 
ام نبيل بقولك ايه يام عادل.... ما تجوزي عادل لبت من البنات دول..اهو تاخد بالها من العيال وتخدمهم ... وترتاحي انتي 
ام عادل يالهووووي يا وليه... اجوز عادل عيله... دا عادل 45سنه.... دي بنته ألكبيره أصغر منهم ب 3 سنين .. 
ام نبيل وماله ياختي عادل بصحته ولو على بنته اهي هتلاقي حد من دورها تتسلو معاها ..... وبعدين انتي ابنك أرزقي يوم بيشتغل ويوم لا... وممعهوش مصاريف جواز تاني ... والبنات دول لا ليهم اب ولا ام.... يعني ماحدش هيقولك هاتي ومتجبيش.. وهتخش على العفش اللي في الشقه . وهي بعد الجواز تبقى تنزل تشتغل في أي محل... وتساعد ابنك في المصاريف.... وهو انتي